|
|
|
حسين جهيد الحافظ |
||
|
.jpg)
من سافرت ؟ ما تدري بي اِشسويت وما تدري بعدك حالتي حال الاِمسودن ظليت اِبعيني الشوارع موحشه والبيت ما چنه البيت والناس بعيوني وهم ووهواس ينگل وهواس ولا چنّي أعرفهم گبل أبداً ولا چنهم ناس سكته الصده اِيرد حسرتي من فارگتني وصفنتي مجروح واِبگلبي الجرح ليل وأشوفنك صبح يالسافرت واِبلا عذر ما غزر اِوياك الملح الناصريه الغيبتك ويّاي تجذب حسره وبعيونه اِبلايه حسد شوگ الشواطي البصره هنياله العشّار يحضن خطوتك ظلمه آنه واِسمك گمره ويّاك ياخذني الفرح عيد وتخف أحزاني مو بيدي جدمي اِبخطوته يم بابكم ودّاني بلبل وأشوفك روضتي ويمك جميله ألحاني عذبني يا طبع الترف بس لا تصد تنساني يالروحي سبحه وسلوتي بيدك شأسولف آني اِنته أول اِبكلشي اِبدنيتي وغيرك أحسهه ثاني للياء اِنته اِمن الألف لأيامي ترجع يا ريت يالما دريت اِبسفرتك اِبحالي مدري اِشسويت
الناصرية 15/5/2005 |
||
