|
|
| الشاعر جعفر كمال | ||
|
الشاعرعبد الرزاق الربيعي كتاب ساعات (جونو)العصيبة
في بغداد ماجد مطرود
صباح الخير قصيدة شعبية لجعفر كمال
لأنك عراقي د.ياسر الياسري
|
صباح الخير
صباح الخير ياوردات الصبوح صباح الخير من بصراوي مذبوح صباح الخير من برد الصبح نسمات الج.. تاخذني وتروح
أمسي عازفا واصبح على هواج واظل رفة حلم.. والنظره تذبح مهجتي والراي والروح
القصيده واللحن والخضره عيناج أصبو للجمال وفي حسنه نشوتي تلوح
الملم بالندى السارح على حمرة خدودج ودثره بين همس الشعر والبوّح
وانت الغافله الما تدري بي وآنه في ظلام السكته مطروح
يمته ياجميل العين تتحنن عليّ يل شعرك نسسيم وبالهوى يسوح وتراني بس أدنه يمك احس بانفاس جنهه عنبر تفوح
وحك كل المضى بعشكه ولا خاف ناطر من زمان تحن عليّ حبك جنح طائر ويّ الغيوم واشعارك جميله وبالهنا سروح
تحط يم النبع وتجانب الشوف وتهمس في شعره نغم عشك العيون الساكته الما تقبل تبوح
ليش الصد؟ مو بس عاد يامدلل تحن وتشافي مجروح آنه ما احتويت ولا شفت مثلك غزال نبع شايل حنين وشوك كل لمسة ورد في حبها تبوح
حنينه انت ونا شاعر ينسمه الما غفت.. بين الظلع ولمهجه والنوح
درب يتعنه لعيونج يشع ويناغم الاحلام ويظل درب الصبح يشدو على لحن الحمام ومن حسنه العين ترويني وتضوي نسمة الحب النضوح
وأظل مهوس اتاني عمري وياج وحتى لو تسميني انا المجنون بهواج ترى كل الصدك صعلوك أنا ومجنون برضاج وغرامج وسط شعري صار مفضوح
يالعطرج جمع كل البساتين ويل وجهج نسيم ايشافي الروح
متى يرتاح شدوي ويَّ عيناج وظمج بين انين الشبكه فواح مثل شهد الحلا فاهك طعم خوخ وبعدني انطر للفجر البعيد الدثره الريحان الذي نام بفراشه حبي المقروح
وحك كل الصباحات صباحي مانسى لونج يظل قبلة شذى ترسم لقاءات وأنا شعري حبيبي بين نبع شفافك يفوح ايفوح
****************** |
امل الجبوري سوريالية القيامة العراقية
مجموعة قصائد هاشم معتوق
قلبي في الجبال قصة وليم سارويان ترجمة زعيم الطائي
عراقية للشاعر علاوي كاظم كشيش
|
